ນະໂຍບາຍຄວາມເປັນສ່ວນຕົວ
ພວກເຮົາເກັບຫຍັງ ເກັບຢູ່ໃສ ໃຜເຫັນໄດ້ ແລະ ເກັບໄວ້ດົນປານໃດ.
ອັບເດດລ່າສຸດ: 2026-09-17
ສະບັບພາສາລາວເປັນສະບັບຫຼັກ ຖ້າຂໍ້ຄວາມແຕ່ລະພາສາຕ່າງກັນ
ຂຽນດ້ວຍພາສາທຳມະດາ ບໍ່ແມ່ນເອກະສານທະນາຍຄວາມ
ໜ້ານີ້ທີມ LaoCart ຂຽນເອງ ເພື່ອໃຫ້ອ່ານເຂົ້າໃຈງ່າຍ ຍັງບໍ່ໄດ້ຜ່ານການກວດຈາກທະນາຍຄວາມ. ພວກເຮົາບອກຕາມຄວາມຈິງ ແລະ ຈະປັບປຸງເມື່ອຜ່ານການກວດແລ້ວ.
1. ຂໍ້ມູນທີ່ພວກເຮົາເກັບ
- 1ອີເມວຂອງບັນຊີທ່ານ (ພວກເຮົາບໍ່ເຄີຍເຫັນລະຫັດຜ່ານຂອງທ່ານ)
- 2ຂໍ້ມູນຮ້ານ: ຊື່ຮ້ານ ສິນຄ້າ ລາຄາ ຄ່າສົ່ງ ແລະ ການຕັ້ງຄ່າ
- 3ຊື່ ເບີໂທ ແລະ ທີ່ຢູ່ຂອງລູກຄ້າ ທີ່ລູກຄ້າເປັນຜູ້ພິມເອງຕອນສັ່ງ
- 4ຮູບ ແລະ ວິດີໂອທີ່ອັບໂຫຼດ ລວມທັງຮູບສະລິບ
- 5ບິນຄ່າແພັກເກດ ແລະ ສະລິບການໂອນຂອງບິນນັ້ນ
- 6ບັນທຶກທາງເຕັກນິກພື້ນຖານ ເພື່ອໃຫ້ລະບົບເຮັດວຽກ ແລະ ກວດຫາການໃຊ້ຜິດ
2. ເກັບໄວ້ຢູ່ໃສ
ຖານຂໍ້ມູນ ແລະ ບັນຊີຜູ້ໃຊ້ຢູ່ Supabase ສິງກະໂປ. ຮູບ ວິດີໂອ ແລະ ສະລິບ ຢູ່ Cloudflare R2.
3. ໃຜເຫັນຂໍ້ມູນໄດ້
ຂໍ້ມູນຮ້ານ ແລະ ອໍເດີ ເຫັນໄດ້ໂດຍທ່ານ ແລະ ຄົນໃນທີມທີ່ທ່ານເຊີນ ພ້ອມສິດທີ່ທ່ານໃຫ້ເທົ່ານັ້ນ. ພະນັກງານ LaoCart ເຂົ້າເບິ່ງໄດ້ເມື່ອຈຳເປັນ ເພື່ອຊ່ວຍແກ້ບັນຫາ ແລະ ເພື່ອກວດການຈ່າຍເງິນ.
ພວກເຮົາບໍ່ຂາຍຂໍ້ມູນ ແລະ ບໍ່ສົ່ງລາຍຊື່ລູກຄ້າຂອງທ່ານໃຫ້ຮ້ານອື່ນ.
4. ຂໍ້ມູນລູກຄ້າເປັນຂອງຮ້ານ
ຊື່ ເບີໂທ ແລະ ທີ່ຢູ່ຂອງລູກຄ້າ ເປັນຂໍ້ມູນຂອງຮ້ານທ່ານ. ໃຊ້ພຽງເພື່ອສົ່ງເຄື່ອງ ແລະ ຕິດຕໍ່ເລື່ອງອໍເດີ — ຢ່າສົ່ງຕໍ່ໃຫ້ຜູ້ອື່ນ.
5. ເກັບໄວ້ດົນປານໃດ
ຕາບໃດທີ່ຮ້ານຍັງເປີດຢູ່ ຂໍ້ມູນຍັງຢູ່. ຫຼັງຮ້ານປິດ ພວກເຮົາເກັບໄວ້ອີກ 30 ວັນ ເພື່ອໃຫ້ທ່ານກັບມາເປີດຄືນໄດ້ ແລ້ວຈຶ່ງລຶບຖາວອນ.
ຮ້ານທີ່ສ້າງແລ້ວບໍ່ເຄີຍເປີດເລີຍ ຈະຖືກລຶບຫຼັງ 60 ວັນ. ພວກເຮົາສົ່ງອີເມວເຕືອນກ່ອນ.
6. ຄຸກກີ້
- 1ຄຸກກີ້ເຂົ້າສູ່ລະບົບ — ເພື່ອໃຫ້ທ່ານຢູ່ໃນລະບົບໄດ້
- 2ຄຸກກີ້ພາສາ — ຈື່ພາສາທີ່ທ່ານເລືອກ
- 3ຄຸກກີ້ເບິ່ງຕົວຢ່າງ — ໃຊ້ຕອນເບິ່ງຮ້ານກ່ອນເປີດ
ພວກເຮົາບໍ່ໃຊ້ຄຸກກີ້ໂຄສະນາ.
7. ສິດຂອງທ່ານ
ຢາກແກ້ ຫຼື ລຶບຂໍ້ມູນຂອງທ່ານ ຫຼື ຢາກໄດ້ສຳເນົາ ໃຫ້ຕິດຕໍ່ພວກເຮົາທາງ WhatsApp. ພວກເຮົາຈະຢືນຢັນຄວາມເປັນເຈົ້າຂອງບັນຊີກ່ອນ.